بناء AI من الصفر

🚧 الكورس تحت الإنشاء: بننزّل الدروس واحد ورا التاني، والدرس اللي لسه منزلش مكتوب جنبه «قريبًا».

في الكورس ده بنعيد اختراع الـ AI في دماغنا من الصفر، من غير ولا سطر كود. بنمشي في نفس الطريق اللي البشر مشيوه علشان يخترعوه، ونبني خمس مكونات: مخ صناعي بيتعلم، ولعبة يتعلم منها الكلام، وطريقة يحوّل بيها الكلمات لأرقام، وقدرة يركّز بيها، وتربية تحوّله لمساعد بيرد عليك.

وفي الآخر هتفهم إيه اللي بيحصل جوه الشاشة من لحظة ما بتبعت سؤالك لحد ما الرد يتكتب قدامك — وهنقف قدام السؤال اللي العلماء لسه مختلفين عليه: هو الـ AI بيفكر فعلًا؟

🛠️ وبعد ما تفهم الـ AI بيشتغل إزاي من جوه؟
الكورس ده بيفهّمك الآلة. ولو عايز تستخدمها وتبني بيها حاجة حقيقية، نظام أو موقع شغّال أونلاين، من الفكرة لحد ما ينزل للناس، ده اللي بنعمله في كورس AI For Builders.